4/4/17

4/4/17   TUE   COOL

今日又係假期最後一日啦, 但似乎係愈來愈病囉, 好辛苦! 朝早都淨係只係喉嚨痛, 咁又約咗打籃球喎, 所以8點多就出到去, 等佢打完先食早餐, 又要陪吓佢做D動作咁, 真係年紀大啦, 咁做吓已經腳軟, 有D肌肉真係好少用到嘛! 食完早餐去埋配藥, 跟住就返屋企啦, 混混亂亂咁, 仲爺又要做功課, 子元又要溫書, 老公都病咗, 食咗藥最終佢係入咗房瞓, 掉低兩隻嘢比我, 到1點幾2點, 仲爺突然唔玩喎, 坐咗喺梳化唔出聲, 過咗一陣就瞓咗, 抱咗佢入房瞓啦, 我都休息一陣咁大把, 子元溫咗默書就放佢啦, 到兩點幾又要叫醒佢地, 因為約咗睇戲呀, 2:40起咗身, 2:50出到門口, 又買嘢食又泊車咁分頭行事, 總之開場前安頓好啦! 其實你話好好睇又唔算GE, 都係預期中知道的劇情囉! 仲爺梗係唔會同你坐定咁耐啦, 但坐走廊位都叫做可以行嚟行去, 睇完又未夠鐘食晚飯, 就去咗東北公園比佢地走吓, 到6點幾先至返長沙灣食晚飯, Gloria就掉低咗個囡比我地, 佢要去教琴, 到食飯時佢先嚟join, 但係我地食到尾先嚟, 真係比D餸尾佢食咋! 車埋佢返屋企我地都回家, 老公沖咗涼食咗藥就瞓, 我就開始愈來愈多鼻水, 真係好辛苦! 但星期一已經請咗假, 明天好難再請囉, 最多返去比人睇個病樣一日, 星期四先請!