14/4/17

14/4/17   FRI   WARM


今日假期開始, 梗係瞓餐飽先, 仲爺算比面, 8點先起身, 開咗電視比佢後, 瞓到10點幾先再醒呢, 真係要起身啦, 出得門口都11點幾, 唯有食個branch啦, 去茶記食完嘢入咗沙田ikea行, 然後2點幾就入到科學園, 今日約咗敏瑩同晴晴去科學園玩轉復活節呢, 不過主力係3個大GE玩, 我地揍住D細食吓嘢玩吓車, 中間轉場又要去睇一睇大嗰三隻! 仲爺見D女仔畫面佢又要畫, 結果畫咗隻兔仔, 可愛到不得之了! 玩到6點幾走人啦, 去大埔食丼, 雖然位迫D仲爺又眼瞓, 但又真係幾好食喎! 食完送埋溫家返去就回家啦, 仲爺又瞓咗, 尤得佢做臭豬冇沖涼就瞓!