1/4/17

1/4/17   SAT   WARM


今朝都係要返工, 所以8點最遲要起身, 梳洗好捉哂佢地咁多個起身出門口, 佢有佢地去畫班, 我有我返工啦, 老公都好忙, 車咗子元去畫室, 食完早餐就要上阿媽到幫佢整櫃門, 跟住就比咗仲爺我, 佢去同子元買禮物比4月之星, 咁就放低咗仲爺成個鐘, 11點幾接番佢就先去軒媽屋企, 我要放工先join, 咁佢地就玩住先! 差不多2點過到去, 等老公都上埋嚟我就同咗軒爺落去買嘢食, 跟住返上去都係睇住班細玩, 唔覺唔覺都玩咗幾個鐘, 間中又爭執吓咁啦! 到4點幾5點切埋蛋糕hea吓, 6點幾過去對面商場食晚飯, book咗食泰國嘢呢, 叫到一枱都係, 好誇張! 食到8點幾, 都係時候返屋企啦, 老公去攞車, 返到去都係9點多啫, 笨元沖涼瞓覺啦, 仲爺喺車瞓咗, 尤得佢做臭豬, 明天起身先沖啦!