10/4/17

10/4/17   MON   HOT

今日如常地返工返學啦, 朝早仲爺未起身, 我地就唔洗太趕, 但又要整飯盒等等都會趕囉! 返上樓仲爺都未起身, 兩個都唔願郁, 所以好遲先出到門口, 仲爺又未食早餐, 所以同佢食埋就已經8:50先返到學校呢! 返到公司又唔洗開會, 再做吓自己嘢先囉, 午飯後都係睇吓電視, 知道老細唔返又輕鬆D GE! 下什都係hea吓啦, 有得hea就hea啦! 放工老公話佢出咗去做嘢有得收早, 所以過咗嚟接我, 再去接埋笨元, 跟住去接埋嫲嫲同仲爺, 去咗荃灣食泰國嘢, 我其實唔係咁啱食, 但陸生又好想食, 咁都係去食架啦, 咪唔食咁激嗰D囉! 食完兩個細梗係去買玩具, 係嫲嫲先咁好, 我真係唔會買囉! 返得屋企都8點幾, 沖完涼仲爺要溫吓書, 再跟埋子元功課就沖涼, 之後做吓雜務摺埋衫, 12點多睇咗陣妙手都要瞓, 因為已經喺梳化瞓著咗!