12/4/17

12/4/17   WED   COOL

今朝又涼番好多喎, 呢D天氣真係玩死! 佢兩個返埋今日就放假, 揍咗笨元校車就返上去叫醒嗰兩個, 食咗D嘢先出門口, 仲仲要求daddy一齊揍佢返學校, 好可愛呢! 跟住我就返工啦, 今朝要開會但唔洗我寫會議記錄囉, 新人做嘛, 是但啦! 不過我都好忙, 老闆同大老闆娘又要返澳洲, 但又要用積分換飛等等, 又要信用卡等等, 總之夠我忙啦! 午飯後都係hea! 下午又忙吓又做吓嘢啦, 都好快又放工, 老公話要食聖安娜的熊仔cupcake, 咪買比佢食囉, 又要攞住cake又要去買餸真係夠哂狼狽, 等巴士等咗好耐, 返得去都已經7點, 老公返嚟幫手煎蛋, 8點多已經食完洗碗, 等佢地沖完涼再食埋cupcake, 比佢兩個玩吓9點幾就去瞓, 我就去沖涼, 外判哂仲爺D工作比子元搞掂! 老公食咗藥眼瞓, 10點多就瞓, 我仲要摺衫睇吓電視咁, 12點多才瞓!