27/4/17

27/4/17   THU   WARM

今日去開會嘛, 所以朝早又要襯吓著咩衫咁啦! 早上都係要整飯呀, 搞掂仲爺佢地啦, 忙忙碌碌咁啦! 返咗公司做吓嘢先, 10點幾先出門口過商會, 其實都唔係真係咁多嘢做啫, 唔洗真係咁早過去GE! 食飯前做咗大部份嘢架啦, 食完飯返去做埋D手尾就開始等啦, 係咁打吓機囉, 老細今日又不在, 輕鬆好多囉, 人齊後半個鐘左右已經開完會, 果然我老細唔喺到係快手好多! 3點半未夠我就走得, 返去接番子元, 比佢地喺遊樂場玩陣, 4點幾返上去, 佢又要沖涼做功課, 我就執衣櫃, 因為要換季, 好成功地今日執咗我同仲爺嗰個, 子元就叫佢睇吓邊D唔啱囉, 佢個衣櫃最好, 唔洗換季! 6點幾老公打嚟出去荃灣食飯, 因為佢要買嘢, 咁就去咗牛魔食, 不過已經冇之前咁好食, 唔怪得之少咗咁多人啦, 我坐個位又凍喎, 搞到我要戴住風褸頂帽嚟食嘢呢! 差不多尾聲我又食飽啦, 就先帶兩個細去睇吓玩具, 老公佢地就慢慢食埋先去攞車, 送咗嫲嫲回家又要去休到攞嘢, 所以返得屋企都10點多, 笨元喺車瞓咗, 佢真係瞓得! 返去沖好涼搞掂哂兩個細, 11點幾我先可以去沖涼呢, 今晚又唔攰喎, 所以1點幾先瞓呢!