18/4/17

18/4/17   TUE   HOT

4日假期真係過得太快, 轉個眼已經放完, 又要返工啦, 佢地就仲放緊假! 朝早差不多8點先起身, 老公揍兩個入去, 我就自己買早餐返工, 今日冇咩嘢趕做, 所以過得好hea, 先寫番D日記啦, 午飯後大老闆娘返咗嚟, 又要幫佢親戚整澳洲簽證D嘢, 咁又幫我過吓日神啦, 之後就係幫老細訂機票等等, 所以都算有嘢做吓又唔係好辛苦咁啦! 放工直入青衣食飯, 老公今晚幫子元約咗同學仔去踩車踢波, 所以6點幾就開飯, 7點幾過到荔枝角公園玩, 先係踩住車等, 跟住就過球場踢吓波, 到9點人地book咗場就要走啦, 老公行咗出公園先記得冇攞bag又要行番轉頭攞, 我地就企喺車邊到等佢囉, 返到去沖好涼就捉咗仲爺去瞓, 佢咁玩法都攰啦, 所以都冇嘈好快瞓, 子元就要睇埋神探先瞓, 見係放假至比佢咁咋! 我摺埋衫睇埋電視都12點幾先瞓!