13/5/19

13/5/19.   MON.    HOT

今朝7點幾就要起身，因為買咗飛睇伏仇者呢，老公放工回來煮早餐，食埋先出門口，約咗Joe佢地睇，不過今次只係梓行可以嚟，梓朗而家只可以醫院同屋企架咋！去到買埋嘢食就入場，仲爺當然都係屈蛇啦，睇3個鐘嚟講佢兩隻細都算係咁，冇走出位，但仲爺睇到鞋都甩埋真係服咗佢！子元就睇得好投入，我都睇得好投入，睇到會流淚添！不過真係要睇齊哂咁多套先睇得掂呢一集囉！完場去食埋嘢就分頭了，返屋企老公睇住仲爺，我就幫子元溫一溫書先，4點多要出門口，子元又要足球比賽呢，個豬仔又真係睇得幾好喎， 但睇到12碼時到佢即時死亡環節射失咗，佢就好唔開心，不過呢啲都係成長嚟嘅，必需要經歷先學習到！最終睇埋A隊爭埋季軍先回程，返長沙灣快食個晚餐睇埋倚天就回家，老公送咗我地返去佢就返工了！