8/5/19

8/5/19.   WED.    RAIN

今日都係要揍咗仲爺返學先返工，老公就瞓過龍遲到啦，我地就準時囉！返到公司食埋好難食的蕃薯做早餐就開工啦，又係好忙咁，或者係呢排都唔好太閒先，廢事煩！午飯後都係打吓機啦，下午啲人上哂嚟開會好嘈，不過我都係照做嘢啫！放工都仲落緊雨，但都照撘巴士返去啦，塞埋車都係7點返到屋企，快到呢！今晚要煮飯，老公唔識煮嫲嫲買的餸，所以我又要煮又要洗，不過睇住電視咁又好快做哂，還要對埋兩位少爺的功課呢，11點幾先有自由時間！