7/5/19

7/5/19.   TUE.    COOL

今日都係如常咁返工返學啦，老公放假可以揍仔，我就唔洗咁辛苦啦！返到去都係食個早餐先啦，今日只係食蕃薯咋，跟住都係做嘢啦，今朝都係冇停過手，點解可以咁忙架！午飯後吹吓水睇吓機咁啦，同埋老公話奶奶過唔到錢比我地，今個月點搞呢，老公真係要學識點開源節流啦，唔係永遠都唔會儲到錢！下午都係做吓公事又做吓自己嘢，捱到放工先嚟落雨，不過笨元就唔洗踢波，我就用咗最慢但最唔洗淋雨的路徑返屋企，返到去都算有飯開啦，跟住就係洗住碗睇電視等等，對功課沖涼打暈埋啲仔就摺衫啦，兩日冇摺又摺餐死！