31/5/19

31/5/19.   FRI.    WARM

終於捱到星期五啦，今朝老公揍仔返學我就返工啦！買埋早餐返去食完就開工，冇嘢做都要搵啲嘢做吓啦，無端端又要開會咁，開埋啲垃圾會都唔知想點，之後組織完，都係要同阿姐報告一次先穩陣！午飯後幾位飯腳話上去睇煲，但比人搶到八八九九啦，所以都係行咗個圈就走，返到office我真係唔想得個坐字囉，所以去咗搵人吹水，下午都係做吓嘢啦，時間都過得快，我又周圍吹水呢，星期五應該係咁！放工閃人買埋餸返屋企，因為老公請咗病假睇佢個背部，所以要買餸返去煮呢！慢慢煮等佢地返到就開飯，之後都係如常洗碗打掃，捉仲爺去咗瞓覺就沖涼摺衫休息！