1/5/19

1/5/19.    WED.    HOT

今日放假一天，老公又返夜，今朝瞓瞓吓佢就返咗嚟瞓啦，我都瞓到10點幾先起身，見到兩個又喺廳打機就火都嚟，鬧番兩隻嘢入房做功課，跟住起身梳洗囉，叫醒埋老公12點幾先出去食個早午餐！然後直接入沙田啦，因為要參加同事囡囡的生日會，時間尚早喺附近商場行個圈先，去到都係玩啦，又波波池又有機打，又可以唱吓K咁，共玩3個鐘又食吓嘢咁啦，5點幾散場就去買埋餸再返屋企煮飯食，仲爺瞓咗笨元做埋功課老公打機，食完飯睇電視清潔吓啦，10點到老公要返工啦！