1/7/21

 1/7/21     THU.    HOT

今日瞓到九點幾起身，捉佢哋出門口，喺1號冰室食早餐再買餸，跟住就一路行過去街市嗰邊買餸，買完就搭巴士返屋企，已經好熱好熱出晒汗。返到去都已經好攰，仲要處理埋返嚟啲餸，老公又叫子元去跑步，佢又唔想跑，總之就好麻煩！最終都係冇跑但就唔好打機，佢哋已經喺度黑面架啦！食得返嚟都咁上下時間我又要煮，都係雪櫃廚餘。食完我真係忍唔住，好攰，聽住電視機播緊音樂好吧都瞓咗！四點幾醒咗，又要開始預備晚餐打邊爐啲嘢，今日約咗康傑同學仔上來玩。五點多佢哋都開始上嚟，預備下一啲嘢食，set吓場地咁，齊人就開鑊打邊爐！邊食邊吹水，咁就11點起影埋大合照先至散場！佢哋走咗之後，要清潔先可以沖涼休息，又搞到點幾鐘。