23/7/21

 23/7/21     FRI     RAIN HOT

今日係船運搬貨的日子, 朝早依然發顛咁執緊嘢, 已經8點幾起身架啦, 但好似做極都做唔完咁! 出去食完早餐回來, 我都有啲顛顛地, 因為仲係百廢待興咁! 唯有盡力做! 12點幾運輸打嚟話可以過嚟, 唔洗等到2點, 咁就梗係好啦快啲搞掂! 最終用咗3個鐘就完成哂, 有啲嘢我都後悔冇自己pack定先, 如果唔係可能可以再快啲, 同埋再少啲箱, 因為飾物櫃啲嘢若果就咁用膠袋pack咗就用少啲包裝紙,到時唔洗拆得咁辛苦! 4點幾搞掂哂就出去同煊交收幫我買的仲爺禮物, 同埋去橋底食嘢! 之後老公帶哂兩個去球場, 咁我就可以返屋企執番好同清潔好間屋, 話哂都仲要住多一星期嘛! 做完真係覺得自己好叻, 又亂又dirty我都可以回復原狀咁! 睇吓奧運開幕, 睇到8點多要出門口去樂富同老公佢地會盒, 約咗剛sir佢地食飯, 又食到10點趕先走! 回家後都係沖涼休息啦, 我今日已經好攰啦!