19/7/21

 19/7/21     MON     RAIN 1號3號風球

今朝要去打針, 所以8點多就起身, 本來諗住食咗早餐先, 但時間關係, 都係打咗先去君日食, 打嗰時都係好驚啦, 不過好快就打完, 去食完早餐子元就陪我返嚟, 老公出咗去買嘢, 我返到嚟都輕輕執咗少少嘢, 然後睇番幾集大叔的愛, 子元11點幾約咗FD出去睇嘢買嘢, 都係佢啲動漫嘢啦, 佢用自己錢唔理佢咁多啦! 跟住我就試圖打去轉番麗寶的水費電費單個名, 但原來個電話係好難打, 可惡! 唯有專心睇大叔的愛, 今日叫做完成咗, 安樂哂! 老公回來執咗佢嗰啲工具, 2點幾出去食嘢, 喺樓下撞到笨元就叫佢一齊出去食, 食完回來都係再執啦, 完成埋個衣櫃, 5點幾出發去Joe屋企打邊爐, 仲爺下午已經去咗佢屋企玩! 又食到10點幾拉先捨得走, 明天又有活動啦, 希望打完針的攰明天冇咩事!