21/7/21

 21/7/21     WED     HOT

今日瞓到10點幾先知醒, 子元已經出咗門口, 約咗去人地屋企打機喎, 由得佢啦! 咁我地起身梳洗就去食早餐, 近近地美孚食就算, 然後返屋企又係時候執嘢, 今次到床下底, 某程度上算係最難執的一部份, 因為太多唔知仲要唔要好的東西, 我有好多人生喺到呢! 所以都執足一個下午, 太多太多好耐冇見的相呀人呀簿呀咁, 好多我已經掉咗就算, 連信都掉哂, 算啦, maymay有句講得啱, 回憶在心中! 梗係啦, 我send 咗張佢的舊相比佢, 佢個樣呢, 嚇鬼死, 叫我燒咗佢, 我就話梗係唔好, 帶過去英國供奉! 總之處理好呢啲回憶啦, 而家只欠兩個梳妝櫃, 明天應該搞得掂! 6點多出門口去黃金放血, 應承咗細佬買Switch, 加埋要買電腦呀, 其他配件等等, 放咗好多血呀, 但都要買架啦! 子元打完機過來同我地會合, 一齊買完就去咗食台灣嘢, 滿足回家! 還有好多嘢要做呢, 家務啦, TT交租啦, 又要成就解鎖等等, 仲有個幾星期咋, 完全想像唔到之後生活係點, 只可積極面對!