18/7/21

 18/7/21     SUN     RAIN

今日都係瞓到自然醒啦, 見佢地慢吞吞咁, 我就出去買麥記返來食, 佢地又可以執住嘢先, 慳番啲時間, 因為老公11點又話要揍子元出去踢波, 咁就得番我同仲爺喺屋企, 仲爺就好悶咁啦, 我就執咗個廚房, 都算清得七七八八, 淨番啲工具唔係我範疇我理唔到啦! 2點多求奇煮咗罐頭湯意粉食咋, 然後繼續執, 老公佢地差不多5點先返到嚟, 都要執吓嘢, 6點幾出門口同嫲嫲佢地食飯, 去咗悅來食泰國嘢! 仲爺食完就跟咗嫲嫲返去瞓, 因為明天我要打針, 老公又要去買嘢, 大家都有嘢忙呢, 仲爺最好跟住嫲嫲啦!