7/7/21

 7/7/21     WED     HOT

今朝好趕咁揍仲仲返學啦, 叫極都行得好慢, 好辛苦先叫得佢郁, 好在趕到8點前, 跟住我又要趕返工, 買埋早餐返去, 返去簡直係放假咁啦, 大姐二姐都唔喺到喎, 我都係得番個肉體喺到啫, 做吓自己嘢咁又放飯, 今日係同Ivy一班人食, 近近地落樓下飲茶啦, 吹吓水咁囉! 下午返去都係放肆架啦, 係做咗少少嘢, 然後都係吹水都執吓嘢, 放工就去奧海城同煊同小柏佢地食飯, 食到8點梗係傾得唔夠皮, 喺OC行吓先, 找地方食甜品, 最終去咗麥記食杯雪糕坐到10點先肯走, 同煊一齊撘巴士, 佢都送到我返樓下呢, 最乖仔係佢!