24/7/21

 24/7/21     SAT     HOT+

今日好似冇忙咩但又好似好忙咁, 好佛系! 朝早醒咗就自己打陣機先, 3個男人都未醒, 9點幾捉佢地起身食早餐, 食完回家冇咩想做, 子元又話打機, 咁就一齊打mario party, 都幾好玩喎! 不過之後就有啲趕咁去觀塘同舅父佢地飲茶, 本來撘到架6號可以轉得切40號, 但就係差少少, miss 咗架車局住轉地鐵, 可惡! 去到係有BB玩幾好呀, 我都變咗表姑媽呢! 然後都係吹吓水啦, 3點幾老公佢同子元閃先去動漫展, 我就同仲爺回家, 阿媽跟埋返嚟, 佢攞埋個磅走呢! 然後我都係上吓網, 再睇吓仲有咩要做, 未做等等! 老公佢地提早回程, 因為根本入唔到場, 等下星期一再試試! 嫲嫲去法國覆完診就過咗嚟找我們食晚飯, 最終去咗新世紀食, 因為我想買埋對涼鞋過去著, 去咗food court食就算! 回家後都好攰啦, 雖然唔洗再執屋, 但始終心情等都係好複雜, 其實精神上都好攰.