14/8/21

 14/8/21     SAT.    HOT

今日瞓到自然醒，差不多9點先起身，冇咩特別趕做，就叫老公煮吓早餐，又叫仲爺打電話比嫲嫲傾陣，食完早餐就睇吓去邊，都係出Broadway行吓，食吓雪糕買咗個足球，去咗食炸魚薯條，去M&S買咗大盒雪糕，仲買咗個冰袋嚟裝，仲有買咗炒米粉嘅材料，明天試吓先。返屋企執拾吓出去附近個公園玩，呢個公園得草地咋，咁老公就同子元踢波，我同仲爺行吓草地，見遠處有好大棵樹，就叫老公一齊過去有陰頂嘅地方踢，仲爺走咗去樹下玩，見有人放狗，佢又走埋去八，人地媽媽就比佢玩，又同我吹吓水咁，傾吓咁都幾好，佢地真係nice得好緊要，感覺真係好好！吹完一輪人地走啦，我地差不多6點寔囡返去，沖涼煮飯，今晚老公煮意大利飯，正！可能真係太多日冇食飯，平時唔嗅米氣的都好想食呢！洗埋碗又食吓M&S個雪糕，然後係時候打機，但大笨好奸，人地都唔識玩，佢又睇輸贏睇得好重，都唔講明玩法，根本就唔公平！不過兩條友都好煩，嘈到死！