24/8/21

 24/8/21     TUE      WARM

今朝好似冇咩方向, 起咗身食咗早餐淨係喺到hea, 不過之後又開始上網登呢樣登嗰樣咁, 又搞一大餐, 午餐又係去食Sam's飯, 然後買日用品, 跟住個list買, 都唔會買多好多, 同埋而家近好多行得快好多就返到去, 又要執吓嘢啦, 兩個細就自娛, 我地就上網整嘢, 整極都唔完咁, 老公4點幾就煮晚餐, 因為今晚要去睇賓福特聯賽杯, 佢地過嚟車我地, 咁就唔洗捱巴士, 總共4家人行過去, 買咗紀念品, 仲爺買咗波衫, 子元買咗track suit, 貴貴地啦, 嚟緊午餐都唔好出去食啦! 去埋個廁所就入場, 真係好夢幻, 我喺英國睇波呀, 好神奇呀! 我都好投入睇架啦, 又影吓相吹吓水咁, 個幾鐘好快就完, 最終賓福特win 3-1呢, 行返去攞車炮哥車我地返屋企, 快手沖涼食個宵夜休息!