22/8/21

 22/8/21     SUN.    WARM

今日忙碌處理新屋啦，朝早果然7點幾，IKEA就打嚟話送貨，老公馬上梳洗出門口去接貨，我就同兩隻細食埋早餐先過去，順手推兩個行李箱過去settle吓。第一部分先砌咗梳化床先，跟住到飯枱同櫈，我就去廚房settle吓啲水煲電飯煲咁，10點多就過隔離屋攞番個上網套裝，琴日又話5點前送到，最終7點幾先嚟仲比咗隔離屋，頂！硬住頭皮去問，隔離屋係個大叔應門，唔知係咪獨居老人，總算攞番，呢度文化係興冇人收貨就比隔離。最後等電器送埋嚟就出去食飯，然後我同子元就拖行李箱返去pack部分嘢過來先，每人一大一中徰李都幾吃力，子元仲要唔聽教，叫佢落樓梯時一定要拿起不能用轆落，最終咪爆咗囉可惡！所以佢唯有死死地氣拖到去屋企，等機械人出來掃埋地，係未研究到個電視點搞，唯有問炮哥，仲有要將運過來的家檔安排好位置，又做餐死。執好就返去沖涼煮飯休息！明天繼續！