13/2/22

 13/2/22.    SUN.    COLD

今日係聚會日子，不過朝早仲爺要比賽，又趕頭趕命咁出去，其實10點先開始呢！打一個鐘就吹足一個鐘，攞命！返屋企等仲爺沖好涼，12點到就出門口，約咗Ealing友去榮業飲茶，因為冇得訂位都要去到等，終於等到兩張大枱，叫咗嘢食都好快到，食吓吹吓水咁，呢間食物好食啲喎！2點幾埋單過中超買嘢，本來諗住之後去打保齡，但原來Booking好快full晒，最終去咗Keith屋企，一玩就玩到10點幾，咁都好唔打保齡又慳返啲錢，反正都係想搵地方吹吓水，你哋屋企又夠大啱晒玩啦！