3/2/22

 3/2/22      THU.    COLD

今日終於星期四啦，我開始有嗰種唔係好想返工嘅感覺，不過咁係正常嘅！喺屋企又嫌悶返工又見攰！今朝揍咗仲仲去學校門口，就將佢交托俾你識嘅家長我就閃啦，牛下女車神咁沖去返工，時間都係好趕。今日要處理嗰個唔算太複雜，所以某程度上都算輕鬆，只係最尾嗰堂之前，個女仔話頭痛，我覺得佢係扮嘢，不過老師又俾佢早走，就由得佢啦我唔理咁多，又唔關我事！咁我就可以準時放工。不過我想print幾份時間表都好似好複雜，都係用返自己方法聽日返去影落手機算，大不了自己影完攞返嚟再print就算喇！3:30就去到公園接仲仲，不過佢要玩遊樂場最終4:15先至走，不過真係太過趕，因為之後仲要湊德德，我隻腳攰到想死！完全冇得抖直到佢爸爸來接走佢，我仲要吸塵抹地，摺埋衫抖左唔夠10分鐘，又話要開飯，然後就洗碗，我真係攰到GG！