13/4/22

 13/4/22     WED     COOL+

今日都係喺屋企留守啦, 都冇咩地方好去! 朝早瞓醒咪整早餐食囉, 跟住都係做吓公務, 搞mortgage嗰啲文件都已經令人很疲勞, 又要揍住仲爺, 佢成日都好多嘢問咁! 午飯簡單地整番琴日啲廚餘咋, 下午叫做可以閒少少啦, 摺埋啲衫睇吓電視, 3點幾出去買埋餸回來整好又要出去揍德啦! 老公放工回來後講話若而家我地諗住買嗰到轉唔到freehold會好煩, 咁我話今日三房嗰間個agent有再call我, 我又拒絕咗人一次喎, 不過都要回頭草咁問多次啦, 電話電郵來回幾次, 佢就話個業主接受我地個offer, 老公計過370000都頂到, 只係現金流會得番少啲咁解, 但用多30000就可以買到個freehold係好抵! 咁唯有期望一切順順利利啦, 已經即刻send email比哂broker同律師, 希望明天佢地睇到可以幫到手快手搞掂啦, 其實我一向心儀呢間三房, 係老公初時計過數話唔得, 又有間平啲出現先變咗現在呢個情況, 點都好啦, 呢啲時候真係要祈禱啦!