11/1/21

 11/1/21     MON.    VERY COLD

今個星期要一月開返工啦，唔想都要想，返到去吹陣水食埋早餐就開工，其實你話好多嘢做又唔係，總之keep住就有嘢做啦咁樣時間都過得快啲。一路做到午飯食完就出去行過圈，買麵包買雞蛋咁又返去啦，咁咪繼續做嘢囉有咩特別姐，基本上個個都係機械人咁樣過！放工即閃，返到去有湯飲有嘢食，不過要等子元踢埋波先至開飯，有嫲嫲煮好飯，不過真係好怕佢用到我個廚房啲嘢亂晒大籠！慢慢邊睇電視邊洗埋啲碗，睇完劇先至去沖涼都10點幾11點啦！