24/1/21

 24/1/21     SUN.    WARM

今日應該瞓到自然醒架嘛，點知老公個鬧鐘聲又嘈醒我呢，等佢上完慕道班就出去食早餐，出咗荃灣行，點知收到阿姐通知又要去驗，因為office曾經有密切接觸者！咁梗係行完街街買完嘢先去驗，點知點半去到放飯喎，又要遲啲再來過！返去捉仲爺抄一次生字，子元要去跑步，跟住就去嫲嫲到，先去食咗下午茶，跟住老要做工程，但整咗好耐，不過都係未搞掂，一句講哂當初唔買樓就冇事！7點幾買埋晚餐回來食完先返屋企。老公要子元重新跑過，因為唔及格，子元梗係西哂面啦，最終我陪佢落去跑，卷個鐘我跑咗4K都算係咁啦！返到嚟仲爺好乖咁係要幫手摺衫，咁我咪去沖涼囉，真係要休息吓！