15/1/21

 15/1/21     FRI     COLD

終於捱到星期五啦, 今個星期真係過得好慢, 我都開始精神唔夠啦, 冇法啦返咗咁耐一半日子, 突然間返足5日真係頂唔住! 返到整好早餐食, 然後咪開吓工囉, 其實都叫做冇咩停過, 因為要做埋Ivy嗰份嘛, 咁都好阿姐唔會又話我地得閒囉! 其實個個都係咁架啦, 邊會8個鐘都唔停手喎! 午飯後上去德福行咗轉, 幫芳芳姐買咗啲嘢咁啦, 下午返去都係聽住收音機做嘢咁囉, 放工老公嚟接我, 又去咗Mega Box行咗陣, 去埋KFC先返去食, 之後都係睇吓電視啦, 我真係好攰呀, 放番兩日假好好抖吓先!