25/1/21

 25/1/21     MON     WARM

今個星期要返四日, 休得嗰一日星期四但都好過冇啦! 朝早如常起身返工啦, 今日其實都冇咩做, 所以咁時間先難捱, 打機都打到唔係好想打, 因為其實都幾浪費時間架嘛, 但上網又好難喎, 阿姐成日都喺到, 都睇唔到啲咩! 午飯食烏冬加雞胸肉咋, 所以上到德福買餸後又忍唔住買咗個tat囉! 下午時間始終過得快好多, 得嗰兩個半鐘啫! 放工返去就煮飯食囉, 子元去咗練波, 阿媽喺到食埋先走, 所以都冇等笨元回來, 佢條友又撘過龍去咗荃灣西, 叫咗佢唔好瞓架啦! 今晚做唔到運動啦我, 琴日陪跑完其實都周身痛, 真係年紀大啦, 半個鐘跑咗4K已經攞我命! 所以做完家務就沖涼睇電視埋啲衫休息!