29/1/21

 29/1/21     FRI     COOL

星期五啦, 終於返埋今日就有得抖吓啦! 返到去就食早餐啦, 然後都要扮吓工, 因為真係冇咩要做, 午飯本來諗住食雲吞就算, 點知Ivy蒸糯米雞, 我又蒸埋一份, 食得飽得滯啦! 食完就去德福買餸啦, 今晚都要煮飯嘛! 下午返到去都係吹吓水啦, happy friday嘛係應該咁架喎, 放工返去就煮飯啦, 阿媽好似好攰咁, 快啲煮好等佢食完可以返去休息! 仲爺呢又冇人管住之下功課甩漏哂啦, 罰佢要做哂先,冇得睇電視住, 佢就喺到喊囉, 但喊都冇用都人要做!