16/1/21

 16/1/21     SAT     COLD

都係一個正正常常的星期六, 子元自己去補習, 我地就瞓到9點幾, 等老公都肯起身都已冇早餐食, 唯有去荃灣食一間12點前都仲有早餐的, 跟住返長沙灣買餸, 然後買埋飯比子元, 因為佢要上咩鬼管樂喎, 都唔明點解要迫人上啲唔知咩, 暫時未話要交錢, 但我真係好唔想子元浪費呢啲時間囉! 返屋企要仲爺做多陣功課先出去學音樂, 一去就幾個鐘, 返到嚟就錄影, 因為見google classroom黃老師話可以交才藝表演, 咁今次咪打鼓囉, 又搞咗成個鐘! 6點幾又要煮飯, 笨元叫肚餓啦! 簡單煮咗焗三文魚飯咋, 清潔完做埋運動沖涼, 就捉仲爺去瞓覺囉!