10/12/22

 10/12/22     SAT.    VERY COLD

今朝七點未夠我就醒咗，但都Hea到八點幾先起身！首先要煮好早餐，補充體力先至可以繼續工作！不過今日真係好凍，周圍都結晒霜，好誇張！食完早餐一邊執嘢一邊等整寬頻嗰個人嚟安裝，大致上都順利，泡個上嚟幫我哋裝埋安博盒子同埋電視機，點知發現洗衣機一轉得高速時就開始逃走，老公用咗好多方法先叫做安頓好佢，希望再用高啲轉數嘅時候唔會有逃走啦！跟住出去食午飯，然後又要車多兩轉物資去新屋，今次除咗剩返嘅紙箱之外仲要執廚房嘢，執完仲要去IKEA買埋需要嘅物資，最後買埋晚餐就返屋企睇英法大戰，我食咗少少嘢就已經飽，可能真係太攰，但都要盡快收拾好廚房物資，所以一邊睇波一邊執，總算叫做收納好晒！咁明天才可以再睇吓有啲乜嘢需要處理，星期一就要預備返工！