20/12/22

 20/12/22     TUE.    COLD

今日其實都冇咩好寫，因為佢哋病好，就傳晒啲傷風比我，結果我全日都喺度流鼻水，食咗幾次藥都冇用，真係好辛苦，期間仲要照樣執屋煮飯！中午嘅時候我再試吓行出去大街嗰邊睇吓有啲乜嘢買，了解吓附近環境，咁樣行上去都要15分鐘，之後就買嘢都係踩車方便啲，如果唔係一來一回都半個鐘，都未計買嘢！返嚟之後就同佢哋打吓機，四點幾五點先至收夜，老公返到嚟仲話佢哋兩個要去踢波，搞到亂晒大籠，結果細佬去到球場踢一陣就咳到隻嘢咁，阿哥睇完返嚟又凍又唔舒服，話咗冇問題㗎啦，兩個都未好返！我咪喺屋企摺埋啲衫同煮飯囉，我就繼續流鼻水流足一日，希望今晚食埋藥會好啲啦！