1/12/22

 1/12/22     THU.    COLD

今朝早返到學校先至發現我唔記得帶電話，但我又唔肯定自己係唔記得帶定係留咗喺邊度，所以成個朝頭早都好不安，一心喺度諗可以點樣做， 連上堂的時間表都記錯晒，小息嘅時候仲走去問Letty用電話打俾自己，睇吓個電話識唔識響，係咪真係跌咗，點知打電話翻去又唔通，但係打老公同埋子元個電話都係一樣唔通，非常奇怪，果然監獄係守衛森嚴，想打個電話都唔得！終於捱到我放飯嗰半個鐘，我把心一橫唔食飯住，極速飛車返去搵返個電話，果然安糖咗喺屋企，但因為飛咗呢程車，我架車冇電，捱到返學校要搵地方去叉電，最終又要麻煩阿Joe這個Office俾我叉電，好彩佢喺度咋！攞返個電話我即刻個心實在好多，個人都即刻正常返！捱多堂就可以放工喇，放學去接埋細佬就返屋企，其實今日唔係好需要煮飯，因為老公琴日整定左鴨腿湯飯，不過都要去買配料放落去，跟住又要去接德，最搞笑係佢阿媽路過諗住搵吓佢，點知佢就唔肯同佢阿媽走，結果佢一齊嚟咗屋企，好在我今日好足料整牛肉炒飯， 食完佢就走，我就開始煮飯，諗住老公七點返嚟睇波就開飯，點知佢整到差不多八點先返到，我就喺沙發瞓着咗，瞓到個人溫溫等等，之後都係拖着疲累嘅身軀完成埋今日嘅工作，先至可以休息！