14/12/22

 14/12/22     WED     VERY COLD

今日都係咁返工返學啦, 要踩多咁遠其實都真係好攰! 不過今日遇啱時間返到去啱啱好夠鐘, 我就可以順利返工! 因為學生今日返10點, 所以唔洗趕, 返大房做埋啲嘢可以hea吓, 仲有去整blin blin貼面, 因為今日係咩鬼grown up day, 可以玩化妝嗰啲, 咁好多老師都貼閃閃喺面啦! 本來今日Bella都好地地, 係放飯時佢唔知點解話要去飯堂喎, 等佢個fd買飯再嚟食, 但等唔到佢個FD之餘又唔知等咗佢嗰班條咩友仔, 我又唔知佢地有咩仇口, 佢已經勁啤住佢, 啤咗10分鐘佢突然走咗去, 好在我追得切啫, 好在佢只係走咗去AL1, 本來都冇咩, 到之後HIS佢係咁想KIU頸, 搞到我不停要stop佢, 仲要扭到手指, 可惡! 睇人地唔順眼就去中佢唔係中自己囉, 傻架! 好在最尾嗰堂只係睇戲, 咁佢又好專心睇喎, 放學又冇咩就唔理啦! 快啲返去揍仲回家我仲要再出去買餸呢, 今日子元要踢波, 咁老公回來就揍佢去, 我就收拾一陣再hea吓, 夠鐘先煮飯, 今晚食肉醬意粉咋, 邊食邊睇埋世界盃準決賽, 然後都係沖涼休息啦!