14/8/19

14/8/19.     WED.    HOT

都係返工的苦日子啦，究竟我幾時先可以唔洗做呢，要中好大條六合彩先得， 然後再移民啦，去邊都好！返到去先買早餐，食完就開工吹水過日子，其實都冇咩，但我個監督又係到話辭職，唉。。。若果真係要做埋佢啲嘢但出得一份糧，真係好難撈喎！午飯入去房食到咁上吓，Catheria叫咗我出嚟，原來同Joey媽媽佢地打機，咁又真係幾開心嘅！下午啲阿姐入咗去開會，細姐又出咗去，仲唔作反咩，去咗OSO嗰邊吹水，真係吹得好開心，跟住就做吓私務，print吓練習比仲爺，對住文盲加數學白痴，其實真係咩都死！放工快跑去巴士站，比我追到車啦，返到去仲爺又係未做功課，但嫲嫲話出去食飯，子元游完水自己過來香港地食，食完佢同大包就回家，我就返去勞氣教功課，唔早啲習慣，真係開咗學我怕我嘔血！