3/8/19

3/8/19.   SAT.   RAIN**

今日係各有各揍仔學習日咁！朝早子元要去訓練，咁9點已經出咗門口，我就hea到九點幾先起身，煮早餐仲爺又話佢食咗零食，唔洗食麵，咁我就唔煮比佢啦！開咗啲工作紙比佢做我就食早餐，等佢做番呢兩日的練習就可以出去踩單車，順手買奶同買咖啡，跟住踩番返去當完成，因為雨已經越來越大！返上樓收拾吓就出門口學音樂，順手問埋唔再上呢個班，有咩樂器班可以上，但時間上似乎真係夾唔到，可能都要轉！撘巴士返去時九龍開始封路，結果紅隧後要行公主道再去到深水涉才可落車，變相我就快咗，子元已經去咗游水，我地返上樓休息吓，就跟老公去踢波，仲爺可以踩吓單車，我就狂打機，踩完返去屋企接番子元，就要去巴士站等阿媽喺機場撘巴士回來， 佢話太多嘢攞唔掂要我地接應佢，等到差不多9點半才接到佢，快手返去長沙灣食晚飯才送埋佢回家，我地都返去沖涼休息！晚上全部新聞都係九龍半島各區都有佔路，真係好難解決！