9/8/19

9/8/19.    FRI.    VERY HOT

今日子元有daddy揍去踢波，我又唔洗理啦，返到公司買個豐富早餐食完就開工，都係做吓公事做吓私事咁啦，午飯後勁打機，唔覺意開咗原來有6個鐘免費，但喺公司又唔打得咁多， 好蝕！下午時間都算過得快，可惜冇咩人吹水有啲悶啦！5點幾已經自我收工，準時彈閘上到巴士，返到去準備開飯，子元唔記得咗補英文，比佢激死！下星期一才可補番！然後等子元游完上回來食飯，食完就交比嫲嫲執埋手尾，我就揍仲爺去小童合唱團，我就自己睇機！回去後叫佢地沖完涼就請子元教仲仲做練習，我就抺埋個地才沖涼！