11/6/20

11/6/20。   THU.    VERY HOT

今日雖然放假一天，但係都七點起咗身，因為子元要返學嗎，我都唔放心，送佢出門口穩陣啲。之後訓唔番，喺房打機打到九點多先起身，整早餐同仲爺一齊食，10點幾開始捉佢入房給功課，諗住今日做晒佢就算，其實都唔算太多，但都仲爺嚟講真係可以做足幾個鐘。做到一點多，真係要煮飯啊就放生佢先，蒸翻熱啲餸煮埋麵就食得，子元返嚟沖好涼就自己搞掂，我兩點到出咗去複診，都算光速搞掂，一個鐘來回睇埋攞埋藥，真係好快㗎啦。返到屋企繼續同仲爺做功課，老公放工返嚟就接子元去踢波，我同仲仲做埋功課之後就打機。老公踢完波返嚟接我哋入嫲嫲度食飯，食完咪返屋企囉，明天又要返工返學。係得陸生放假，所以佢夜晚又出咗去做運動都唔怕夜。