15/6/20

15/6/20.    MON.    HOT

終於兩隻豬仔都返晒學啦，今日要6點9就起身，老公放工返嚟就車佢哋返學，再送我去地鐵站，所以我超早返到公司，佢就返屋企摺埋個洗衣機，仲有等佢安裝埋。返去食早餐開始做嘢都未夠九點，真係有啲蝕。Hea左一朝等開飯，開咗套新劇集睇，下午就做工廠女工，負責QC啲口罩，真係做足幾個鐘，都好啲時間快啲過，話咁快又放工。去啟業買埋早餐比佢哋，就搭巴士返屋企，又要好迫好迫咁撘。返到去等老公開飯，就先睇咗仲仲啲功課，然後食完返嚟清潔沖涼，趕埋仲爺去瞓覺。