8/6/20

8/6820     MON.    RAIN

子元今日開始要返學啦，見佢攞住大袋細袋又落住雨咁真係好辛苦，好在佢都有返咁大隻如果唔係都唔知點拎啲嘢返學。今日仲要搬返宏天啦，不過朝早都係返咗嚟等準備搬野先，拍左卡就去買早餐食，食完就邊打機邊聽收音機，享受埋呢少少自由嘅時光， 10點幾十一點要起行，一齊搭的士返過去，再等啲行裝到齊分配好，執返好張枱又差不多放飯。本來都諗住食孤獨飯，睇吓劇就算，但之前返我面嘅人竟然走來話一齊食飯，基於我係一個唔記仇嘅人，咁咪一齊食囉，多個朋友好過多個敵人，邊吹邊食咁好快又開工啦。下午啲時間都過得好快，執下相咁又要派蛋糕做吓妹仔，轉個頭又放工啦。見到龍翔道今日放工時塞車，都係搭地鐵穩陣啲，不過行咁遠又近啲又戴住口罩真係幾辛苦。返到屋企見到間屋亂糟糟，真係火都嚟埋。梳洗完捉仲爺做埋啲功課，又係時候開放日。食飽都係清潔等等工作啦，仲要跟埋仲爺啲功課，好像10點幾之前都已經沖好涼可以休息吓。