13/6/20

13/6/20     SAT     RAIN

星期六都係比較忙碌! 早上兩個9點就有嘢學, 子元補習仲仲畫班, 咁我同老公就可以自己去食個早餐, 終於慢慢開始甩身啦, 過多5年啦, 兩隻都唔多洗我理, 我都要諗吓自己有咩興趣先得! 接埋子元仲仲, 就要去買洗衣機, 點知豐澤12點先開, 咁唯有返屋企收拾好仲仲音樂啲嘢, 就去青衣城買, 笨元自己喺屋企, 佢又enjoy, 最緊要放錢比佢買飯食就得啦! 好快手咁就買咗個洗衣機, 今次試吓大眼仔, 又唔貴喎3千幾咋, 希望真係好用啦! 計番條數我地啲洗衣機, 部部都用到8年以上, 算係咁! 老公車我地去佐敦轉地鐵過海, 佢就返工啦, 仲爺過去食得切當當先去學嘢, 我就去食薩利亞啦, 邊睇Error自救TV邊食嘢, 夠鐘就去接番仲爺, 回程梗係撘171啦, 瞓得都幾舒服! 返到去hea吓就開始煮晚餐, 都係簡單地食牛肉烏冬, 清潔完可以休息啦!