5/6/20

5/6/20     FRI     VERY HOT

今日係最後一日正式返利登啦, 但都係食大家樂做早餐咋, 因為都唔熟路邊度仲有嘢啱食! 返到去做好嘢就打機啦, 今日都冇咩心機做嘢, 中午出咗去食日本嘢, 估唔到12點半出門口都勁多人囉, 等到1點有多先有位, 不過都抵食, 五十幾蚊咋喎! 食完幫老公去駱駝漆嗰邊攞貨, 訂咗個咩鬼口水雞醬喎, 搞到我又排隊撘lift又等咁好耐! 下午返去做咗陣嘢就開始執嘢pack箱! 夠鐘放工就可以閃, 去長沙灣同老公會合食粥, 食完送嫲嫲返屋企先, 跟住去接番子元放畫班, 老公又渣錯路, 搞到遲咗返來睇唔切降魔的大結局個開頭呢, 不過個結局好似都一般咁! 之後做埋運動先沖涼睇電視!