28/6/20

28/6/20.   SUN.    VERY HOT*

今朝瞓到10點幾先起身啦，兩個細冇好嘢， 仲爺梗係搞嘢食搞嘢飲，又玩水咁啦，子元就喺床打機唔知打咗幾耐， 終於出到去食早午餐，趕得切叫早餐， 食完去咗荃灣廣場行陣，點知又中咗牛肉乾，不過之後發現今日荃灣區大抄，是禍躲不過！回家後老公就執嘢出去做運動，我就喺屋企嘔血，因為諗住幫仲爺溫中文，嚟緊進評嘛！到默書時就死啦，之前我冇跟得咁緊嗰課就唔識囉！阿媽又過咗嚟攞湯比我地飲，咁老公又返到，咪車佢返過去，我地先去mega box囉，要去ikea買嘢，不過先去食咗嘢先，然後先行！最後去埋反斗城玩咗陣就走，因為嫲嫲塊面又痛，老公叫咗大包call白車去PMH，成日叫佢去睇醫生又唔肯，真係唔明！回家做運動沖涼，仲爺有心拖唔肯默埋啲字，但我要比佢知唔可以，點都要佢溫埋先比瞓！老公去醫院睇完嫲嫲就買麥記回來，但條友執漏哂嘢，老公話明天回來鬧爆佢再攞番啲嘢食返嚟！