11/12/21

 11/12/21      SAT.    COLD

今朝有一齊出去打籃球踢足球，不過琴晚落完雨，又係周圍都濕晒，唔係幾好玩。加上球場隔離間咖啡冇開，我哋又要再揸車去買咖啡，所以都冇乜打過波，同婆婆傾吓電話咁啦，反而時間過得快啲。12點幾返到屋企，哥哥唔再出去喇，咁我哋就湊埋仲仲去Broadway，先去食嘢，試咗間韓國嘢，有少少貴，但係都好好食。然後仲仲話要影聖誕裝飾，影完先至去買嘢，老公要買食物盒，下星期開始佢要帶飯，跟住再幫仲仲買咗件聖誕衫，咁佢下星期表演就可以着聖誕衫啦，返到去接埋衫就捉仲爺做功課，等佢聽日可以一齊出吓街，唔好嘥晒啲時間，老公睇埋波先至煮飯所以八點幾先有飯食。