24/12/21

 24/12/21     FRI    COLD

今日係忙碌的一天! 朝早照常hea吓先, 老公返咗工, 我都要揍德仔, 10點幾出去入埋貨, 因為之後兩日超市咩都唔開, 仲誇張過年初一, 所以菜菜肉肉都要預備定! 買完德仔11點就過來, 又要煮飯早啲比佢食, 等佢瞓咗晏覺我就可以煮我地的午餐同食嘢, 2點幾佢爸爸嚟接番佢, 我又出埋糧啦, 今個星期OT咗4個鐘, 總共有200磅呢! 之後又忙於處理今晚party啲嘢, 整紅豆糕啦, 執嘢啦等等, 5點老公回來就可以出發, 過到去事頭到, 就幫吓手整嘢食, 7點幾party開始, 先係食嘢啦, 吹住水咁都好正, 啲細路又睇吓電視又打吓機咁, 食完嘢執好枱就要交換禮物啦, 仲爺抽到個LEGO人頭, 佢勁唔鐘意, 因為覺得唔係玩具囉! 之後一路傾偈到兩點幾先走, 返到嚟排隊沖涼都4點啦!