5/12/21

 5/12/21     SUN.    COLD

今朝9點先知醒，明知要比賽就較早啲鬧鐘起身，結果咪趕頭趕命咁囉！結果要等佢哋出晒門口，我先至再煮早餐比自己同細佬食，跟住仲爺做功課慢個慢世魔王，結果佢哋踢完波返到嚟點幾鐘都未做得起嗰幾頁紙，老公又想出去食飯，我又想去做埋先，係呢個矛盾之下就鬧交啦，始作俑者咪陸柏仲囉，都唔知佢幾時先識反省！激動我又走咗出去佢又走咗出去，由得佢兩個細喺屋企火到我呢！過咗嚟咁耐我真係未試過嬲得咁緊要，下星期開始，每日都要陸柏仲寫下字，等佢知道咩叫做功課，佢過得太輕鬆啦！最終去咗龍鳳隔離飲茶，第一次試呢間，係幾好食但都係貴，最終喺龍鳳同超市買完嘢就返屋企，個天都黑晒！返到嚟都唔知自己做咗啲咩，叫仲爺作篇文好似叫佢起間屋咁，有冇咁難呀！