14/12/21

 14/12/21     TUE     COLD

今日老公要正常時間返工啦, 搞到我都瞓得唔好, 3點幾又醒咗喎, 聽到電視聲, 個電視又自己發聲, 又唔知邊個制short咗, 搞到我要落樓閂番佢, 順手覆咗幾個whatsapps先再瞓, 但都瞓得唔好, 怕老公唔知醒嘛! 朝早個行程都要重新習慣番, 調配吓啲程序點做! 揍完仲仲返學就去超市買嘢, 又要諗買咩餸咁真係好攰! 回來後收拾吓就上吓網咁, 午飯後又娛樂吓, 夠鐘就去接仲仲, 回家後要佢預備好哂打波啲嘢, 等炮哥嚟接佢, 因為我出咗去接德德, 揍人地個小朋友感覺真係好得意, 可能係呢個小朋友都醒目, 所以都唔算太辛苦, 都算好彩! 加上今日佢阿爸唔再喺到睇住, 佢又free啲我又free啲, 整埋通粉比佢食, 今日仲要食得好好, 比之前多, 可能冇人喺到令佢分心! 6點多爸嚟接番佢我就可以預備晚飯啦, 今日又好有心機咁整吓餸, 大家都7點幾先返到嚟, 食完飯又要幫老公睇吓合約咁, 夠哂攰!