26/12/21

 26/12/21     SUN.    COLD

今日係boxing day，完全hea過！䁁到自然醒，起身食完早餐就引仲爺拆埋啲禮物，因為包好喺放喺聖誕樹下，其實全部都係送俾佢嘅音響設備，都係爸爸嘅放縱啦！測完都11點幾12點，香港嘅朋友仔開聖誕party，所以我哋都視像左差不多兩個鐘，本來係我一條link，但係啲細路真係好麻煩，所以好多條link比佢哋自己喺房講我哋大人就自己喺廳傾！不過都係講吓啲生活日常，到3點幾鐘即係佢哋11點幾，都要收線啊！然後我就自己煮嘢食，因為都唔知佢哋想唔想食嘢，所以要食就自己煮啦，唔問你問去啦！跟住再繼續睇埋頭先未睇完嗰套蜘蛛俠，睇到六點幾叫老公煮飯，我就摺埋啲衫！食完飯，咪又係繼續去吓囉，今日真係太Hea喇！