8/12/21

 8/12/21     WED     COLD

今日都係如常咁揍仔返學啦, 跟住去咗超市買嘢, 老公話要買糖整埋個西米糕, 咁我又買吓啲肉呀菜呀咁! 回家後都係上網睇吓嘢, 又有一間打嚟有得見工, 好事嚟, 努力加油呀, 可能我都要同天父傾吓, 要啲精神支持! 午餐後就睇吓電視啦, 二線劇時間全部變咗我啲婦女新姿時間! 睇完就揍仔放學, 回來預備晚飯煲湯, 又要揍仲去音樂咁, 老公又要一齊出去, 要去買椰汁喎, 順手又買咗雪糕先去接仲仲, 回來又要預備煮飯, 老公話今日喺炮哥到凍一凍咁, 又想逃學, 咁就休息一晚啦! 但係點都要出一出門去炮哥到攞番個袋, 老公成日都漏咗個袋喺人地到, 比佢激死! 晚上問吓子元啲書溫成點, 條友啲BIO都唔肯去背咁點會識, 而家積埋兩個月啲嘢啦, 我睇佢點清, 聖誕假咁長啱啦, 每日背番10個生字記吓啲theory, 希望追得番!